Рус телле балаларның татар телен тиз үзләштерүенә ирешү

Чит тел өйрәнгәндә бөтен грамматик кагыйдәләрне дә тиз генә үзләштерү мөмкин түгел, шуңа күрә башта Тарзан кебек сөйләшергә өйрәнү дә ярап тора. Кампайо фигыльләрне инфинитив формасында куллануны тәкъдим итә. Иң мөһиме сүзләрне мәгънәсе буенча дөрес куллану. Русча җөмлә төзегендә болайрак килеп чыга. Следовать по этой улице, прибывать на площадь, поворачивать направо. Татар телендә инфинитив янына кирәк, телим сүзләрен өстәргә туры килә.

Мин татар теле өйрәнүчегә инфинитивка караганда боерык фигыль формасын истә калдыру уңышлырак булыр дип уйлыйм.Бер тапкыр язган таблицага зат, сан,заман кушымчалары да өстәү җиңелрәк булачак.Яңа тел өйрәнгәндә иң кыены-сүзлек үзләштерү булганга, галим: " Яңа сүзләрне истә калдыру өчен ассоциация-охшату уйлап табарга кирәк, хәрәкәт белән күрсәтү, күз алдына китерү дә уңышлы алым”- дип әйтә. Аерым сүзләрне ятлау көтелгән нәтиҗәне бирми. Күп сүзләрне истә калдыру кирәк булганда аларны берләштергән текст уйлап табарга кирәк.Контекстта куллану отышлырак булып чыга.