Базарда; 2 класс

Тухбатуллина Раушания Габделбаровна

учитель татарского языка и литературы

СОШ №6 ЕМР РТ

Уку. (2 нче сыйныф)

Дәреснең темасы: Базарда.

Дәреснең тибы: Лексик күнекмәләрне формалаштыру.

Дәреснең төре:яңа тема үзләштерү.

Дәреснең максат: 1. Света әнисе белән, сата, сатып ала, базарда, базарга, бай сүзләрен өйрәнү. Каты [Ӷ], [Ӄ] һәм йомшак әйтелешле [к], [г] авазлары кергән сүзләрне кабатлау. Яшелчә, җиләк-җимешләрне сорый, кирәклеген, кирәк түгеллеген әйтә һәм аларның билгеләрен атый белү.

2. Укучыларның танып белү эшчәнлеген камилләштерү; игътибарлылыкны үстерү. Актив үзләштерелгән сыйфатларны куллану; балаларның, диалогик-монологик һәм бәйләнешле сөйләмен, фикерләү сәләтен үстерү.

3. Яшелчәләрнең, җиләк-җимешләрнең кеше сәламәтлеге өчен файдасын төшендерү.

Җиһазлау: экран, проектор, кызыл карандашлар,таратма биремнәр.

Материал: Р.З. Хәйдәрова, Н. Г. Галиева, Г.М.Әхмәтҗанова ”Күңелле татар теле” 2 нче сыйныф, (49 бит);

Дәрес барышы:

I. Оештыру өлеше.

1) Исәнләшү.

- Исәнмесез, балалар!

-Хәерле көн!

- Безгә бүген кунак апалар килделәр. Әйдәгез, кунак апалар белән исәнләшик әле! (1нче слайд. Көзге пейзаж).

2) Дежур укучы рапорты.(2 нче слайд. Кояш рәсеме).

3) Теманы балаларга җиткерү.Кроссворд чишү(3-4 -5 нче слайдлар. Кроссворд “Базарда”).

-Ребята, тема нашего урока спрятана в кроссворде, в верткальном голубом столбике. Называя овощи и фрукты по порядку, вы узнаете о теме. (4-5 нче слайдлар. Чишелгән кроссворд “Базарда”). (6 нчы слайд. Дәреснең темасы – Базарда).

II.Белемнәрне актуальләштерү.

1) Каты [Ӷ], [Ӄ] һәм йомшак әйтелешле [к], [г] авазлары кергән сүзләрне кабатлау. (7-8-9 нчы слайдлар. Уен “Тиешле арбага җый”).

-Каты әйтелешле [Ӷ], [Ӄ] авазлары кергән сүзләрне атагыз (арбага тутырыгыз).

Көтелгән җавап: кабак, суган, карлыган, шалкан, кавын.

-Нечкә әйтелешле [к], [г] авазлары кергән сүзләрне атагыз (арбага тутырыгыз).

Көтелгән җавап:чөгендер, кишер, груша, бәрәңге.

2) Җиләк-җимешләрне билгеләре буенча сыйфатлау. (10 нчы слайд).

-Укучылар, карагыз әле. Белмәмеш җиләк-җимешләрнең билгеләрен дөрес язганмы? Дөресләп әйтик әле. (11 нче слайд. Лимон сары, озынча, ачы. Ул бик файдалы).

-Груша нинди? (12 нче слайд. Груша...)

Көтелгән җавап:груша яшел, озынча,баллы. Ул бик тәмле һәм файдалы.

-Алма нинди? (13 нче слайд. Алма..).

Көтелгән җавап:алма кызыл, түгәрәк, баллы. Ул тәмле һәм файдалы.

(14 нче слайд. Базарда.)

3)Яшелчәләрнең кирәклеген, кирәк түгеллеген, барлыгын сорау күнекмәләрен ныгыту.

-Дима, как ты спросишь у Полины о том,

-это яблоко ли;

-нужна ли ей груша;

-что не нужно яблоко, а нужен лимон;

-что ты любишь и т. д.

а)-Бу алмамы?

-Әйе, бу алма.

ә-Сиңа алма кирәкме?

-Әйе, миңа алма кирәк.

б)-Миңа алма кирәк түгел, миңа груша кирәк.

в)-Сездә груша бармы?

-Әйе, бар.

г)-Син нәрсә яратасың?

-Мин алма яратам.

III. Яңа тема үзләштерү. “Базарда” тексты өстендә эш.

-Балалар, дәреснең темасын искә төшерик. (14 нче слайд. Базарда. На рынке).

1) Укытучы дәреслектәге текстын сәнгатьле итеп укый (15 нче слайд. Текст “Базарда”)

2) Сүзлек өстендә эш (16 нчы слайд. Яңа сүзләр):

-укытучы артыннан хор белән кабатлау;

-берничә укучыдан кабатлату;

-җөмләләр төзү.

3) Физзарядка ( 17-22 нче слайдлар).

4)Текстны үзлектән эчтән уку. (23 нче слайд. Текст “Базарда”).

5)Текстны чылбырлап уку һәм тәрҗемә итү.

6)5 нче күнегү. (49 нчы бит.) Найдите в тексте предложения, соответствующие рисункам.

Көтелгән җавап:1. Әнисе кавын сатып ала. 2. Бер бабай Светага алма бирә. 3. Бер апа кызыл помидор сата. 4.Әнисе кавын сатып ала. 5.Абый карбыз сата.

IV. Дәрес материалын ныгыту.

1)Бирем үтәү. (24 нче слайд. Җөмләдәге нокталар урынына тиешле сүзләрне языгыз).

1. Света әнисе белән ... бара.

2. ... бәрәңге, чөгендер, суган, кыяр, кәбестә, кишер, кабак күп.

3. Бер апа кызыл помидор ... .

4. Әнисе кавын ... .

Нужные слова:

Базарда (кайда?),

сатып ала (нишли?),

базарга (кая?),

сата (нишли?).

2)Тикшерү. (25 нче слайд. Укучылар кызыл карандаш белән күршесенең эшен тикшерәләр. Бәяләү (26 нчы слайд. Бәяләү).

3)Әңгәмә.

-Назовите те овощи, фрукты, которые встретились в нашем тексте?

Көтелгән җавап: бәрәңге, чөгендер, суган, кыяр, кәбестә, кишер, кабак, помидор, карбыз, кавын, алма.

-Безнең текстта нинди? соравына җавап бирүче сүзне табыбып әйтегез әле.

Көтелгән җавап: кызыл.

- Ничек уйлыйсыз, яшелчә, җиләк-җимешләр ни өчен файдалы?

- Организмны төрле витаминнар белән баета. Аларны көн дә куллану безне авырулардан саклый, арыганлыкны бетерә.

V. Йомгаклау. Өй эше бирү. (27 нче слайд. 50 бит, 8 нче күнегү. Текстны сәнгатьле укырга өйрәнергә).

-Укучылар, без бу дәрестә нәрсәләрне кабатладык? Нинди яңа сүзләр белән таныштык? (28 нче слайд. Яңа сүзләр) Игътибарыгыз өчен рәхмәт. Биремнәрне җыйгач, билгеләрне куярмын.

(29-30 нчы слайдлар. Кояш рәсеме. Көзге пейзаж).

Кулланылган әдәбият.

• Рус телендә сөйләшүче балаларга татар теле укыту. 2 нче сыйныф: Укытучылар өче методик кулланма/ Р.З.Хәйдәрова, Л.Ә.Гыйниятуллина.- Казан: Татармульфильм, 2013

• Татар теле. 2 нче сыйныф: 4 еллык мәктәп өчен дәреслек: Р. З. Хәйдәрова, Г.М. Әхмәтҗанова, Н.Г.Галиева “Күңелле татар теле” - Казан: Татармультфильм, 2013.- 144 бит.